وين راكم يا ناس ورقلة

السلام عليكم

احمد من عين البيضاء

المنتدى مهجور وين راكم يا ناس ورقلة تخلو 05 دقايق وتخرجو
كل المنتيديات نشطة الى منتدى ورقلة ديرو القلب وادخلو بقوة
شفت منتدى الجلفة منتدى الاغواط كلها منتديات نشطة
يا جماعة ديرو شوية اشهار في الثانويات ومقاهي الانترنت في الجامعة في كل مكان
كرهت من منديات المشرق العربي حابين هاذ المنتدى يكبر ويتطور

الله يعاونكم

رانا هنا خويا العزيز
و عندك الحق في الكلام اللي قلتوا






انا نقترح نفتحوا موضوع للنقاش بين الاعضاء


و بهذي الطريقة نضمنوا دخول يومي ونقاش يستفيد منو الجميع

وشكرا على الموضوع

هذا هو الراي الصحيح بالصح يا اختي رويسية انا اظن ان الناس ملا علابالهاش بهذا المنتدى ناقص اشهار

عندك الحق خويا حمود


المنتدى ناقصوا اشهار


يعني لازم نعملوا على نشروا اكثر



و من جهة اخرى لازم نضمنوا ان الاعضاء المسجلين يبقاو مواضبين على الدخول اليومي المنتدى



حتى يساهم الجميع في الرقي به لمصاف المنتديات الراقية


و هذي مش غريبة على ناس ورقلة

مساء الخير انا نوال من الشلف ونسكن فى ولاية الاغواط انا تانى رانى مستغربة مكاين حتى واحد ومن العام الى فات مادخل حتى واحد سبحان الله واذا شفت راك رايح تلقى كامل عندهم النت فى اديارهم وانا نتمنى نتعرف امعى ناس من ابلادى ونتعلم منهم بصح ماعليش ربي ايجيب الى فيه الخير والغائب حجتو امعاه

السلام عليكم يا جماعة كيراكم دايرين بصح وين راكم المنتدى راه مهجور راني وحدي برك

السلام عليكم
اهلا يا جماعة وكيف احوالكم ومتشرفين بمعرفتكم
المنتدى راهوا راقد ولازمو شويا نشاط ونريد افعال لا كلام يا جماعة انا منتسب منذ الصيف وغبت عن المنتدى لانه كان في حالة لا يرثى لها
يالله يا جماعة حركوا ارواحكم شويا وخلونا نزهي المنتدى ونعطوه قيمة
السلام عليكم